Канфіскаваны форд Віктара Бабарыкі прадалі з аўкцыёну — заявіліся шэсць удзельнікаў
Сёння адбыўся аўкцыён, на якім прадавалі машыну Ford Fiesta 2015 года. Раней яна належала Віктару Бабарыку. Ford канфіскавала ДФР, прадалі яго дзеля кампенсацыі «шкоды», якую нібыта нанёс банкір.
У аўкцыёне ўдзельнічала 6 чалавек. Стартавы кошт — 17 тысяч беларускіх рублёў.
У выніку пасля некалькіх крокаў машыну прадалі за 19 595 рублёў. Пакупнік невядомы. У яго ёсць дзесяць сутак, каб цалкам унесці грошы.