У Мінск прыехала Аліна Кабаева, яе сустракаў міністр
Былая алімпійская чэмпіёнка, якую лічаць тайнай жонкай Уладзіміра Пуціна, пабывала на спартовых спаборніцтвах.
Каля Палаца мастацкай гімнастыкі Аліну Кабаеву сустракаў міністр спорту Беларусі Сяргей Кавальчук.
Аліну Кабаеву суправаджала галоўная трэнерка беларускай зборнай па мастацкай гімнастыцы Ірына Ляпарская.
40-гадовую Аліну Кабаеву незалежныя расійскія СМІ называюць тайнай жонкай прэзідэнта Расіі Уладзіміра Пуціна. Мяркуецца, што ў 2015 і 2019 годзе яна нарадзіла ад яго двух дзяцей.