У Мінск прывезлі найпаўнейшы ва ўсім свеце шкілет маманта
Новасібірскі краязнаўчы музей прывёз у Мінск экспазіцыю, якая расказвае пра палеанталагічныя знаходкі на тэрыторыі Сібіры. Гэтая выстава разгарнулася ў фае Вялікага тэатра Беларусі ў рамках дзён Новасібірскай вобласці ў Беларусі, і ў ёй звяртае на сябе ўвагу адметны экспанат.
Скрыншот з відэа
Ключавое месца ў экспазіцыі займае самы поўны шкілет самца шарсцістага маманта ў свеце па імені Самсон. Ягоная даўжыня — 5,5 метра, а вышыня — звыш трох. Прыблізны ўзрост — каля 40 тысяч гадоў.
Самсон быў знойдзены ў 2011 годзе ў Чанаўскім раёне Новасібірскай вобласці.
Мамант загінуў у даволі маладым узросце, пра што сведчаць, напрыклад, ягоныя адносна кароткія біўні.
Чытайце таксама:
Навукоўцы аб'явілі пра прагрэс у адраджэнні маманта. Але навошта яго адраджаць?
Навукоўцы ўпершыню аднавілі РНК вымерлай жывёлы. Яны спадзяваюцца вярнуць у свет страчаныя віды
У Гомелі ратавальнік падчас нырання знайшоў косткі старажытнай жывёлы