Камандзір атрада кадыраўцаў расказаў, чаму яны не спынілі УСУ на мяжы. Іх вераломна абышлі

Падраздзяленні чачэнскага спецназа «Ахмат», якія ахоўвалі дзяржаўную мяжу Расіі з Украінай, не спынілі ўварванне УСУ ў Курскай вобласці, бо тыя проста прайшлі міма іх пазіцый, заявіў камандзір «Ахмата» Апці Алаўдзінаў.

Апці Алаўдзінаў (справа) з кіраўніком Чачні Рамзанам Кадыравым

Паводле слоў камандзіра кадыраўцаў, украінскія вайскоўцы прарваліся на тэрыторыю Расіі ў раёнах размяшчэння шматбаковых аўтамабільных пунктаў пропуску (МАПП).

«Спачатку праціўнік прайшоў […] праз участкі, дзе вялікая адлегласць ад нашых апорных пунктаў была, потым тэхнікай, як той казаў, ужо наўпрост падскочыў, пад'ехаў, танкамі раздаўбаў МАППы і прайшоў», — расказаў Алаўдзінаў.

@nashaniva Украінцы ўзялі ў палон шмат кадыраўцаў з «Ахмата» #россия #курскаяобласть #курск #суджи #украина #всу #зсу #зеленский #новостисегодня #нашаніва ♬ оригінальний звук - Classical Music

Ён пахваліў УСУ за стратэгію. «Яны добра ўсё пралічылі, прадумалі. Усе ўчасткі яны прайшлі, […] Адпрацавалі яны граматна, малайцы», — прызнаў кадыравец.

У той жа час ён адзначыў, што «нічога трагічнага не адбылося», хоць у расійскага боку «ёсць страты і палонныя».

«Так, праціўнік зайшоў на прыгранічныя тэрыторыі, некалькі населеных пунктаў заняў, максімальна спрабуе прасоўвацца, нарошчвае свае сілы. […] Сітуацыя на месцы… Я думаў, вядома, што яна менш шырокая, чым цяпер даведаўся. Але, што б хто ні казаў, я не бачу нічога крытычнага, акрамя таго, што мы цяпер ваюем на тэрыторыі Расійскай Федэрацыі», — заявіў Алаўдзінаў.

Ён таксама запэўніў, што байцы «Ахмата», якія былі на мяжы, дагэтуль знаходзяцца на сваіх пазіцыях.

Каментары да артыкула