Джо Байдэн ухваліў пастаўкі ва Украіну супрацьпяхотных мін
Прэзідэнт ЗША Джо Байдэн ухваліў пастаўкі ва Украіну супрацьпяхотных мін, паведаміла газета The Washington Post са спасылкай на двух амерыканскіх чыноўнікаў. Пентагон пацвердзіў гэтую інфармацыю.
Ілюстрацыйнае фота: lieber.westpoint.edu
Як піша выданне, такое рашэнне Байдэн прыняў з улікам імкнення амерыканскага боку дапамагчы Узброеным сілам Украіны стрымаць наступ расійскай арміі. Адзін з суразмоўцаў WP заявіў, што Кіеў «узяў на сябе абавязацельства не ставіць міны ў густанаселеных раёнах».
Адміністрацыя Байдэна таксама паабяцала падтрымаць намаганні па размініраванні Украіны пасля заканчэння канфлікту.
Прадстаўнік амерыканскага Мінабароны ў каментары ТАСС удакладніў, што гаворка ідзе пра так званыя няўстойлівыя міны, якія праз некаторы час становяцца інэртнымі.