«Поле бою ўнутры». Беларускі гурт Nochy выпусціў новую песню
Беларускі інды-поп гурт Nochy выпусціў сінг «Поле бою».
Кадр з кліпа Nochy «Поле бою»
«Шмат хто з нас у жыцці трывае, нібыта як Кропля Руперта — шкло, аб якое нават кулі разбіваюцца на тысячы аскепкаў. Неверагодная трываласць, не характэрная для шкла. Насамрэч вы маеце правы быць слабымі. Паглядзець усярэдзіну свайго кратара і прыняць усе недасканаласці чалавечага палева, якое вырываецца вонкі», — прэзентуе трэк гурт.
У песні ёсць такія радкі:
«Поле бою ўнутры
Кожнаму колецца, не кожны змагаецца
Сам-насам
Поле бою ўнутры
Кожнаму колецца
А што жа цябе прымушае глядзець у бурлівы кратар?»
У складзе гурта Nochy два чалавека — вакалістка і кампазітарка Юлія і саўндпрадзюсар Паша.