Агент Дудкін павучае палітыкаў: Нельга перамагчы Лукашэнку без захавання маральных прынцыпаў

Былы лідар БХД назваў тры слабасці беларускіх палітыкаў, праз якія КДБ можа маніпуляваць іх.

Яўген Дудкін

«Ніякая палітычная сіла ў Беларусі не здольна перамагчы рэжым Лукашэнкі без захавання маральных прынцыпаў», — перакананы былы хрысціянскі дэмакрат Яўген Дудкін (псеўданім Радзівіл), якога выключылі з партыі пасля таго, як ён прызнаўся, што быў добраахвотным агентам КДБ.

У сваім фэйсбуку палітык назваў тры слабасці часткі беларускіх палітыкаў, якімі маніпулюе КДБ.

«1) Прага да ўлады як мэты жыцця і бясконцыя сваркі за яе (аб'яднання апазіцыі так і няма);

2) выкарыстанне палітыкі як фінансавага сродку для існавання, а не як інструменту для служэння грамадству;

3) сужэнскія здрады (вядома і зараз, калі маладыя дзяўчаты нараджаюць па-за шлюбам дзяцей палітыкам у сталым узросце)».

Дудкін кажа, што яму прапаноўвалася браць еўрапейскія гранты, каб у будучым траціць частку з іх на сябе, а не на праекты. З фармулёўкі можна прыйсці да высновы, што ён як сумленны чалавек так не рабіў.

Каментары да артыкула