«Залаты век Амерыкі толькі пачаўся». Выступ Трампа перад Кангрэсам стаў самым працяглым у гісторыі
Выступ Трампа стаў самым працяглым з падобных выступаў перад Кангрэсам за ўсю гісторыю. 47-ы прэзідэнт ЗША выступаў перад заканадаўцамі больш за 100 хвілін, піша «Голас Амерыкі».
Фота: Ben Curtis / AP
Папярэдні рэкорд належаў прэзідэнту Білу Клінтану, прамова якога ў 2000 годзе працягвалася 88 хвілін.
«Мае суайчыннікі-амерыканцы, падрыхтуйцеся да неверагоднай будучыні, бо залаты век Амерыкі толькі пачаўся. Гэта не будзе падобна ні на што, што вы калі-небудзь бачылі», — падсумаваў Трамп.
Бліжэй да канца сваёй прамовы Трамп паабяцаў стварыць «найвышэйшую якасць жыцця, пабудаваць самыя бяспечныя, самыя багатыя, самыя здаровыя і самыя жыццяздольныя супольнасці ў свеце».
«Мы збіраемся заваяваць шырокія межы навукі, мы збіраемся вывесці чалавецтва ў космас і ўсталяваць амерыканскі сцяг на планеце Марс і нават далёка за яе межамі, і праз усё гэта мы збіраемся зноўку адкрыць непераадольную сілу амерыканскага духу, і мы збіраемся адрадзіць бязмежнае абяцанне амерыканскай мары, — сказаў прэзідэнт ЗША. — Кожны дзень мы будзем падымацца і будзем змагацца, змагацца за краіну, у якую вераць нашы грамадзяне, і за краіну, якую заслугоўвае наш народ».
Слухачы таксама віталі авацыямі амерыканца Марка Фогеля, раней вызваленага з расійскай турмы ў рамках абмену, і яго маці. Яны прысутнічалі ў зале падчас прамовы Трампа.
Чытайце таксама:
Трамп заявіў, што Зяленскі гатовы да перамоваў аб міры
Лукашэнка запрасіў Трампа, Пуціна і Зяленскага ў Мінск
Прадстаўнікі Трампа таемна ўгаворвалі Зяленскага вярнуцца да перамоваў