Кітай прапанаваў паслаць міратворчую місію ва Украіну
Кітай разглядае магчымасць удзелу ў патэнцыйнай міратворчай місіі ва Украіне, паведамляе Welt am Sonntag са спасылкай на крыніцы ў дыпламатычных колах ЕC, знаёмыя з пытаннем.
AP Photo/Heng Sinith
З іх слоў, кітайскія дыпламаты «празандавалі» ў Брусэлі, ці будзе такі крок магчымым і пажаданым з пункту гледжання еўрапейскіх краін.
«Уключэнне Кітая ў кааліцыю ахвотных (краін, якія дапускаюць магчымасць удзелу ў міратворчай місіі) патэнцыйна можа павялічыць прыняцце Расеяй міратворцаў ва Украіне», — мяркуюць у дыпламатычных колах Брусэля, адзначаючы, што пытанне застаецца адчувальным.