Вольга Бондарава выйшла на свабоду
Пра вызваленне вядомай прарасійскай даносчыцы напісаў у фэйсбуку блогер Андрэй Павук.
Вольга Бондарава
«Бондарава выйшла на волю. Толькі што мне перазвоньвала. Пыталася, што хацеў. Не пазналі мы адзін аднаго», — напісаў Андрэй Павук.
Вядомая даносчыца Вольга Бондарава з 2020 года актыўна змагаецца з усім, што падаецца ёй пагрозай для «рускага свету» і «традыцыйных каштоўнасцяў». Пры гэтым яна часта блытае берагі, накідваючыся з абвінавачваннямі на высокіх чыноўнікаў, сілавікоў і нават на членаў сямейнага клана самога Лукашэнкі.
Урэшце гэта скончылася затрыманнем, а 26 сакавіка суд Маскоўскага раёна Мінска прыняў рашэнне аб арышце даносчыцы на 13 сутак.