85-гадовая жанчына загінула ў ДТЗ пад Слуцкам
Пад Слуцкам аўтамабіль насмерць збіў 85-гадовую пенсіянерку, якая пераходзіла дарогу па нерэгуляваным пешаходным пераходзе, паведамляе УУС Мінскага аблвыканкама.
Фота: УУС Мінскага аблвыканкама
ДТЗ адбылося 16 красавіка каля 9:35 на трасе Р23 Мінск — Мікашэвічы.
34-гадовы кіроўца аўтамабіля Peugeot Partner рухаўся з боку Мінска ў бок Салігорска і збіў жанчыну, якая пераходзіла праезную частку па «зебры».
Жанчына памерла на месцы.