Wildberries запускае ў Мінску дастаўку буйнагабарытных рэчаў да дома
У найбліжэйшы час у Мінску з’явіцца магчымасць замаўляць на Wildberries буйнагабарытныя тавары з бясплатнай дастаўкай проста да дзвярэй, уключаючы пад’ём у кватэру.
Ідзе гаворка пра дастаўку мэблі, бытавой тэхнікі, сантэхнікі, будаўнічых матэрыялаў і тавараў для дачы.
Раней такая паслуга была даступная толькі на тэрыторыі Расіі.
На першым этапе сэрвіс пачне працаваць у найбуйнейшых гарадах трох краін: Мінску, Ерэване і Астане. Цягам года Wildberries плануе пашырыць маршруты і ахапіць больш населеных пунктаў у рэгіёне.