Перамовы па Украіне ў Лондане скасавалі
Запланаваныя ў Лондане перамовы міністраў замежных спраў Вялікабрытаніі, ЗША, Францыі, Германіі і Украіны скасаваныя. Замест гэтага адбудуцца двухбаковыя перамовы паміж галоўнымі дыпламатамі Украіны і Вялікабрытаніі, піша Sky News.
Ілюстрацыя president.gov.ua
Міністр замежных спраў Украіны Андрэй Сібіга застанецца ў Лондане для двухбаковай сустрэчы з Дэвідам Лемі. Пасля адмовы дзяржсакратара ЗША Марка Рубіа ляцець у Лондан аналагічныя рашэнні прынялі міністры замежных спраў Францыі і Германіі.
Паводле дадзеных СМІ, Рубіа адмовіўся ляцець у Лондан пасля таго, як Уладзімір Зяленскі адхіліў адзін з галоўных пунктаў плана Трампа адносна завяршэння вайны.
Гаворка ідзе пра прызнанне анексіі Крыма. План таксама прадугледжвае замарожванне лініі фронту.
У адказ саюзнікі Украіны спадзяюцца на гарантыі бяспекі і ўдзел у пасляваеннай рэканструкцыі.