Заўтра радыкальна пахаладае: замаразкі, мокры снег і +8°C..+10°С
Прагноз надвор'я па Беларусі на 26-28 красавіка.
У суботу краіна апынецца ў халоднай няўстойлівай паветранай масе. Уначы па паўднёвым усходзе, днём месцамі па краіне пройдуць кароткачасовыя ападкі (дождж, днём з мокрым снегам). Вецер паўночны, паўночна-заходні ўмераны.
Ноччу +1..+6°С, у многіх раёнах Віцебскай і Гродзенскай абласцей, а на астатняй частцы тэрыторыі краіны месцамі чакаюцца замаразкі 0..-3°С; максімальная тэмпература паветра днём +6..+12°С.
У нядзелю пераважна без ападкаў, толькі ноччу і раніцай месцамі па ўсходзе краіны пройдзе невялікі кароткачасовы мокры снег.
Вецер паўночны, паўночна-заходні ўмераны, днём месцамі парывісты, па ўсходзе моцны парывісты. Уначы на большай частцы тэрыторыі рэспублікі чакаюцца замаразкі 0..-5°С, месцамі мінімальная тэмпература паветра складзе +1..+2°С; максімальная тэмпература паветра днём +7..+14°С.
У панядзелак уначы на большай частцы тэрыторыі чакаюцца замаразкі 0..-5°С, месцамі мінімальная тэмпература паветра будзе +1..+2°С; максімальная тэмпература паветра днём +11..+18°С.
У аўторак стане яшчэ цяплей.
Надвор'е ў Мінску на наступныя дні паводле gismeteo.by