БЕЛ Ł РУС

Падлетак з Пухавічаў стварыў злачынную групу і вымагаў грошы

29.04.2025 / 15:35

Nashaniva.com

У міліцыю звярнуўся 23-гадовы жыхар Чэрвеня і паведаміў, што пад пагрозай гвалту быў вымушаны адкупляцца ад зламыснікаў, паведамляе прэс-служба МУС Беларусі.

Скрыншот з відэа

Пацярпелы расказаў, што камунікаваў у інтэрнэце з «дзяўчынай». Але праз некаторы час з розных акаўнтаў яму сталі паступаць пагрозы збіцця з патрабаваннямі адкупіцца. Сумарна пацярпелы аддаў аферыстам восем тысяч рублёў.

Супрацоўнікі падраздзяленняў па супрацьдзеянні кіберзлачыннасці Міншчыны ўстанавілі: 17-гадовы жыхар Пухавічаў стварыў групу ў месенджары, дзе з мэтай нажывы вёў інтымную перапіску ад імя сваёй 20-гадовай знаёмай. Па яго просьбе яна за плату запісвала відэа, галасавыя паведамленні, рабіла званкі. Атрыманыя сродкі змоўцы пераводзілі на рахунак 18-гадовага саўдзельніка.

Цяпер у дачыненні да траіх фігурантаў следчымі распачатыя крымінальныя справы за вымагальніцтва. Непаўнагадовы падлетак прыцягнуты яшчэ і да крымінальнай адказнасці за махлярства. 

Чытайце таксама:

Псеўдаэлектрыкі напалі на мінскага айцішніка, катавалі яго і патрабавалі больш за $300 мільёнаў

Беларус абменьваўся інтымнымі здымкамі і трапіў пад шантаж

Трое сябрукоў у крамах пры АЗС шукалі тавары, якія прадаюцца з парушэннямі, а пасля вымагалі грошы ў прадаўцоў

Каментары да артыкула