Minčuki skardziacca, što ŭ ich nie pracuje internet ad A1
Žychary Malinaŭki ŭ Minsku ŭžo dzień siadziać biez stacyjanarnaha internetu. Miarkujučy pa paviedamleńniach, prablema zakranuła karystalnikaŭ A1. Suviaź źnikła rana ranicaj u subotu i, miarkujučy pa paviedamleńniach, nie adnaviłasia pa stanie na 22-ju hadzinu, piša «Anłajnier».
«Vielmi niepryjemna: ni robat-pyłasos nie pracuje, ni televizar, ni Wi-Fi… Prablema ŭ tym, što ad kampanii niama nijakaj infarmacyi, naohuł ničoha z hetaj nahody. Ludzi złujucca», — pišuć abanienty.
Na sajcie i ŭ sacsietkach apieratara pra zboi ničoha nie havorycca, z techpadtrymkaj apieratyŭna źviazacca nie ŭdajecca.
Pa słovach tych, u kaho atrymałasia dastukacca da techničnaj padtrymki, śpiecyjalisty apieratara paćviardžajuć «ciažkaści» i śćviardžajuć, što «pracujuć nad ich likvidacyjaj».
Možna mierkavać, što prablema źviazanaja z paškodžańniem aptyčnaha kabiela z-za apłaŭlenaj izalacyi pravodki ŭ padvale adnaho z žyłych damoŭ pa vulicy Jasienina. Va ŭsiakim vypadku, na heta i mahčymyja pieraboi ź internetam pakazvajuć MNS i Minskija televizijnyja infarmacyjnyja sietki.
Čytajcie taksama:
A1 z kanca vieraśnia pačnie błakavać mabilny internet u niekatorych klijentaŭ
Nie papadziciesia na chitryk. A1 staŭ brać hrošy za niekali biaspłatnuju pasłuhu