«Stratehija abmienu ciełaŭ na terytoryju». U Pientahonie acanili rasijskija straty apošniaha miesiaca

Pientahon nazvaŭ sioletni vierasień samym kryvavym miesiacam vajny va Ukrainie dla rasijskaj armii. U abmien na heta Rasija atrymała prasoŭvańnie svaich vojskaŭ na Danbasie, piša vydańnie Politico.

Zdymak ilustracyjny. Fota: AP Photo / Evgeniy Maloletka

Aficyjnyja asoby ź Pientahona, jakija dali intervju vydańniu na ŭmovach ananimnaści, nazvali dziejańni Maskvy «stratehijaj abmienu ciełaŭ na terytoryju».

«Pačynajučy ź leta rasijskija nastupy składalisia z masiravanych artyleryjskich abstrełaŭ, za jakimi išli bujnyja pieramiaščeńni vojskaŭ, jakija imkliva nakiroŭvalisia da dobra ŭmacavanych ukrainskich pazicyj, što pryviało da tysiač achviar, pakolki maskoŭskaje kamandavańnie, vidać, abrała stratehiju abmienu ciełaŭ na terytoryju», — piša vydańnie.

Adnak pakul takaja stratehija budzie davać svoj plon, jana budzie ličycca prymalnaj i admaŭlacca ad jaje nie buduć.

Kamientary da artykuła