U turmie Asada vyjavili sakretnuju turmu, jakaja idzie pad ziamlu na čatyry pavierchi
Tysiačy źniavolenych pakul nie mohuć vyzvalić.
Turma Siednaja. Fota: Google Maps
Siryjskija paŭstancy napiaredadni zaniali turmu Siednaja niedaloka ad Damaska, dzie ŭtrymlivalisia dziasiatki tysiač palityčnych źniavolenych. Mnohija ź ich čakali śmiarotnaha pakarańnia.
Akazałasia, što ŭ turmie isnavała jašče adna, sakretnaja turma. Jana idzie pad ziamlu na try ci navat čatyry pavierchi. Paŭstancam udałosia vyzvalić źniavolenych z dvuch vierchnich pavierchaŭ, ale nižej zastajucca jašče tysiačy źniavolenych, paviedamlaje Al Jazeera.
«Na troch padziemnych pavierchach znachodzicca turma, viadomaja jak «čyrvonaja turma», i jana da hetaha času nie adčyniena. Jaje nie mohuć adkryć, bo heta možna zrabić tolki z dapamohaj składanaj kampjutarnaj sistemy. Adnak usia raniejšaja achova turmy źbiehła», — raskazaŭ adzin z aktyvistaŭ u videa ź miesca padziej.
Pavodle danych siryjskich pravaabaroncaŭ, tolki za dziesiać hadoŭ — z 2011 pa 2021 hod — u turmie Siejdnaja zahinuli 30 tysiač čałaviek.
Čytajcie taksama:
Asad uciok u Rasiju i paprasiŭ palityčny prytułak
Izrail nanios avijaŭdary pa Damasku. I zaniaŭ častku terytoryi Siryi na Hałanskich vyšyniach
Źjaviłasia videa luksavych aŭto z haraža Bašara Asada
MZS Rasii pierastała nazyvać siryjskich paŭstancaŭ terarystami — ciapier kažuć pra apazicyju
Bašar Asad pakinuŭ pasadu prezidenta Siryi i krainu — MZS Rasii
Frydman: Los Asada pakazvaje, što Łukašenku «arešniki» nie dapamohuć