Paśla pahroz ad Azaronka zatrymali brata palityčnaha emihranta z Homiela
Homielskaje vydańnie «Fłahštok» paviedamiła ab zatrymańni brata palityčnaha emihranta ź Biełarusi Dźmitryja Stahurskaha.
Dźmitry Stahurski. Fota: sacsietki
Ranicaj chłopca pryvieźli ŭ Navabielickaje adździaleńnie milicyi i skłali pratakoł ab raspaŭsiudzie «ekstremisckich materyjałaŭ» (art. 19.11 KaAP). U telefonie hamielčuka milicyjanty znajšli padpiski na «ekstremisckija» resursy.
25 studzienia Azaronak apublikavaŭ u svaim telehram-kanale post supołki «Ich ždiet sud» z pahrozaj u bok Mikałaja Stahurskaha.
Jak udakładniŭ Mikałaj «Našaj Nivie», u paście z pahrozaj vykarystali jaho zdymak z akcyi ŭ Izraili, jakaja była pryśviečana vybaram u Biełarusi. Aŭtary kanała «Ich ždiet sud» napisali, što bačać u dziejańniach emihranta «čatyry kryminalnych artykuły».
U 2023 hodzie Mikałaj Stahurski raskazaŭ pra svajo zatrymańnie, viarboŭku KDB i zdymki ŭ filmie dla BT.
Čytajcie taksama:
Da maci hamielčuka, jaki paśla viarboŭki KDB źjechaŭ za miažu, pryjšli ź pieratrusam
Na biełaruska-polskaj miažy ŭ čatyry razy mienš stali vyjaŭlać kantrabandnych cyharet
Pryznali «ekstremisckim» fotaalbom pra śviatkavańnie stahodździa BNR
Šolc nazvaŭ žadańnie Trampa abmianiać dapamohu Ukrainie na redkaziamielnyja mietały «ehaistyčnym»