«Biełavija» zapuściła pieršy rejs u Aman
Samalot u vasilkovaj liŭrei vylecieŭ ź Minska ŭ Sałału ranicaj.
Ilustracyjnaje fota
«Biełavija» zapuściła pieršy čartar u Aman, paviedamili BiełTA ŭ pres-słužbie avijakampanii.
Samalot u vasilkovaj liŭrei vylecieŭ ź Minska ŭ Sałału ranicaj. Jon dastavić turystaŭ na adpačynak na «Karybach Uschodu».
U honar startu novaha kirunku ŭ aeraportach vyletu i prylotu arhanizavany ŭračystyja mierapryjemstvy. U Minsku stvaryli dla pasažyraŭ śviatočnuju atmaśfieru z fotazonaj i prezientami.
A ŭ Amanie bort sustrenuć biełaruskija dypłamaty, kiraŭnictva rehijona, žurnalisty. Pa dobraj avijacyjnaj tradycyi rejs buduć vitać vodnaj arkaj.
Hramadzianam Biełarusi viza nie patrebna pry znachodžańni ŭ krainie nie bolš za 14 dzion