U adnym ź minskich kafe padajuć bliny za 300 rubloŭ
U paniadziełak startavaŭ maśleničny tydzień, i mnohija kafe i restarany dadali bliny ŭ mieniu, ale ceny ŭ adnym kafe ździŭlajuć, piša Onliner.by.
U Cafe de Paris na vulicy Marksa ŭ Minsku ŭ mieniu ŭviali adrazu 7 blinnych straŭ. Hałoŭnaja raskoša — bliny z čornaj ikroj. Za 330 hram hetaha zadavalnieńnia pryjdziecca vykłaści 300 rubloŭ.
Kali chočacca ŭziać niešta bolš ścipłaje, vybar možna spynić na blinach z kurycaj, hrybami i sousam marnie — usiaho 22 rubli.