Tramp praciahnuŭ na hod sankcyi suprać Rasii
Prezident ZŠA Donald Tramp praciahnuŭ na hod dziejańnie šerahu sankcyj suprać Rasii, paviedamili ŭ Biełym domie.
Donald Tramp. Fota: Joe Raedle / Getty Images
Šerah abmiežavańniaŭ, uviedzienych ZŠA suprać Rasii ŭ suviazi z raźviazvańniem joj vajny va Ukrainie, buduć dziejničać nadalej.
Prezident ZŠA pryjšoŭ da vysnovy, što abmiežavalnyja miery suprać Rasii, uviedzienyja Vašynhtonam u 2014, 2018 i 2022 hadach, «pavinny zastavacca ŭ sile paśla 6 sakavika 2025 hoda».
«Dziejańni i palityka, pra jakija idzie havorka ŭ dadzienych ukazach, praciahvajuć ujaŭlać niezvyčajnuju i nadzvyčajnuju pahrozu intaresam nacyjanalnaj biaśpieki i źniešniaj palitycy Złučanych Štataŭ», — śćviardžajecca ŭ tłumačalnaj zapiscy, źmieščanaj u Fiederalnym rejestry.
«Tamu […] ja praciahvaju na adzin hod režym [sankcyjnaha] nadzvyčajnaha stanovišča, abvieščany ŭkazam 13 660», — dadaŭ Tramp.
Raniej, niahledziačy na namioki na mahčymaje źmiakčeńnie sankcyjnaha cisku, Tramp daŭ zrazumieć, što ZŠA nie pojduć na hety krok datul, pakul va Ukrainie nie ŭstalujecca mir. Jon padkreśliŭ, što abmiarkoŭvać źniaćcie sankcyj z Rasiei jahonaja administracyja budzie tolki paśla zakančeńnia bajavych dziejańniaŭ.
Akramia taho, amierykanski prezident zajaviŭ, što padčas pieramoŭ ab zaviaršeńni kanfliktu Vašynhton budzie nastojvać na viartańni Ukrainie častki terytoryj, akupavanych rasijskimi vojskami. Adnak jakija mienavita sastupki pavinna budzie zrabić Maskva, Tramp udakładniać nie staŭ.
Čytajcie taksama:
Nie prajšło i miesiaca, jak Tramp uziaŭsia za Maduru
Najezdy Trampa pryviali da skačka papularnaści libierałaŭ u Kanadzie
Administracyja Trampa zajaŭlaje, što skaračaje 90% kantraktaŭ USAID na zamiežnuju dapamohu
Dziaržsakratar ZŠA: My pravierym, nakolki ščyra ŭ Kramli chočuć spynieńnia vajny