Śpiecpasłańnik Trampa Styŭ Uitkaf pakinuŭ Maskvu
U čaćvier viečaram rasiejski prezident Uładzimir Pucin pavinien byŭ u zakrytym režymie sustrecca sa śpiecpasłańnikam Donalda Trampa Styvam Uitkafam u Maskvie. Pra vyniki sustrečy pakul ničoha nie paviedamlałasia, piša Bi-bi-si.
Styŭ Uitkaf. Fota: Anna Moneymaker / Getty Images
Telekanał Rien-TB ŭviečary ŭ čaćvier paviedamlaŭ, što Uitkoff naviedaŭ ambasadu ZŠA ŭ Maskvie, pravioŭ tam hadzinu, paśla čaho pakinuŭ jaho.
Zatym hazieta «Iźviestija» publikavała kadry z kartežam, u jakim mierkavana znachodziŭsia Uitkaf — na ich vidać, jak mašyny źjazdžajuć z Kijeŭskaj šašy ŭ bok aeraporta «Unukava».
Pa danych servisu Flightradar24, u noč na piatnicu ŭ rajonie 2 hadzin pa Maskvie z «Unukava» vylecieŭ biznes-džiet Gulfstream G650ER — na takim ža samalocie Uitkaf mierkavana prylacieŭ u Rasiju.
Pa danych inšaha servisu dla adsočvańnia palotaŭ u realnym časie, ADS-B Exchange, heta byŭ bort z rehistracyjnym numaram N103WG, na jakim Uitkaf lotaŭ u Maskvu, kab zabrać amierykanca Marka Fohiela ŭ lutym.
Aficyjna, što amierykanskaja delehacyja pakinuła rasijskuju stalicu, nie paviedamlałasia.