Pavialičvajucca ceny na bulbu, cybulu i kapustu

Zhodna z padpisanaj premjer-ministram Alaksandram Turčynym pastanovaj №713 (7), z 17 krasavika 2025 hoda pavialičvajucca hraničnyja maksimalnyja adpusknyja i roźničnyja (aptovyja) ceny na samuju raspaŭsiudžanuju ŭ krainie harodninu.

Pad dziejańnie pastanovy trapili:

• bulba śviežaja (akramia mytaj);
• kapusta biełakačannaja (akramia rańniaj);
• cybula repčataja (akramia čyrvonaj i biełaj).

Pavyšanyja adpusknyja i roźničnyja ceny na harodninu buduć dziejničać da 15 maja.

Raniej urad vyvieŭ z-pad cenavaha rehulavańnia 120 pazicyj, u tym liku sała, kvašanuju kapustu, kvas, chałvu i syry.

16 krasavika taksama biesterminova pavialičanyja handlovyja nadbaŭki na biełaruskija aŭtazapčastki dla lehkavych aŭtamabilaŭ. Va ŭradzie patłumačyli pryniataje rašeńnie žadańniem «padtrymać ajčynnych vytvorcaŭ». 

Kamientary da artykuła