U minskim mietro pamianiaŭsia miechanizm apłaty za prajezd

U Minsku abnaviŭsia miechanizm apłaty prajezdu ŭ mietro i na haradskich ciahnikach. Paśla kožnaj pajezdki ciapier buduć śpisvać sumu, roŭnuju koštu žetona ŭ mietro ci bileta na ciahnik. Raniej hrošy śpisvalisia ŭ siarednim za try pajezdki. Pra heta raskazali Office Life u Śbierbanku.

Nievialikaja zatrymka ŭ śpisańni hrošaj, adnak, usio ž zastaniecca, asabliva ŭ hadziny pik.

U hramadskim transparcie apłata pravodzicca ŭ režymie «adkładzieny anłajn». Heta značyć, što hrošy śpisvajucca nie tak chutka, jak u kramie, kaviarni ci aptecy. Kali na vašaj karcie niedastatkova srodkaŭ, pajezdka ŭsio roŭna budzie apłačana, ale ŭ vas źjavicca zapazyčanaść. U hetym vypadku vaša karta patrapić u stop-list validatara i vy nie zmožacie vykarystoŭvać jaje dla apłaty prajezdu. Sistema budzie štodnia sprabavać śpisać doŭh z karty.

U minskim mietro miljony pasažyraŭ užo vykarystoŭvajuć bankaŭskija karty dla apłaty. Turnikiety prymajuć karty Visa, Mastercard i Biełkart usich biełaruskich bankaŭ.

Takaja ž mahčymaść dziejničaje na haradskich linijach Biełaruskaj čyhunki. Validatarami abstalavanyja sučasnyja ciahniki na troch maršrutach: Minsk — Biełaruś (Zasłaŭje), Minsk — Michanavičy i Minsk — Haradzišča. Raźličycca za prajezd možna i paśla adpraŭleńnia ciahnika.

Kamientary da artykuła