Trahiedyja ŭ Fanipali: adzin zahinuŭ, čaćviora špitalizavanyja z pažaru ŭ šmatpaviarchoviku
Uviečary 19 krasavika ŭ Fanipali adbyŭsia pažar u kvatery na piatym paviersie dzieviacipaviarchovika. Pakul ratavalniki zmahalisia z ahniom, unutry kvatery byli ludzi — haspadar i jaho hości. Adzin mužčyna zahinuŭ.
Paviedamleńnie pra pažar pastupiła vyratavalnikam 19 krasavika ŭ 18:44. Hareła kvatera na piatym paviersie dzieviacipaviarchovaha doma na vulicy Kamsamolskaj u Fanipali, Dziaržynskaha rajona.
Na momant pryjezdu MNS unutry znachodzilisia haspadar kvatery, jaho brat i troje haściej. Pažarnyja zmahli ich vyratavać: dvoje atrymali apioki pieršaj i druhoj stupieni, jašče dvoje — atručvańnie praduktami hareńnia. Ich dastavili ŭ špital.
Adnak u kvatery byŭ jašče adzin hość — mužčyna 1962 hoda naradžeńnia. Jaho vyciahnuli žyvym, ale pa darozie ŭ balnicu ŭ aŭtamabili chutkaj dapamohi jon pamior.
Pryčyny pažaru i hibieli čałavieka ŭstanaŭlivajucca.