Kolki budzie kaštavać pieršy biełaruski elektramabil
Prezientavać jaho płanujuć u mai.
Aŭtacentr «BiełDžy». Fota: BiełTA
Masava vytvorčaść pieršaha ajčynnaha elektramabila pačniecca ŭ 2026 hodzie, raspavioŭ hiendyrektar «BiełDžy» Hienadź Śvidzierski ŭ efiry STB.
Vyprabavańni piaci vopytnych uzoraŭ užo zakančvajucca. Usie jany na 70% zroblenyja z ajčynnych kampanientaŭ. Elektraruchavik vyrabiŭ «Mahiloŭliftmaš», siłavuju elektroniku — zavod «Iźmieritiel», akumulatarnyja batarei — «Pieršaja akumulatarnaja kampanija».
Novy krasovier płanujuć prezientavać u mai.
Prystupić da vuzłavoj zborki pieršych mašyn na elektryčnaści płanujuć u druhim kvartale 2025 hoda. Pieršy ajčynny elektramabil, raźličvajuć, budzie kaštavać nie daražej za $30 tysiač.
U płanach taksama stvaryć hibrydy i aŭto na mietanie.