Pieršy biełaruski elektramabil prezientujuć u mai
Biełaruski elektramabil Belgee eCh50 płanujuć prezientavać u mai. Pra heta raskazaŭ hienieralny dyrektar«BiełDžy» Hienadź Śvidzierski ŭ efiry telekanała STB Aŭtamabil budzie aryjentavany na biełaruska-rasijski rynak.
Skrynšot videa STB
U lutym paviedamlałasia, što elektramabil Belgee eCh50 prachodzić vyprabavańni. Pavodle słoŭ Hienadzia Śvidzierskaha, jany nabližajucca da zaviaršeńnia i pavinny skončycca ŭ krasaviku.
Taksama hiendyrektar raspavioŭ, što vyrab dośledna-pramysłovaj partyi ź piaci ŭzoraŭ dazvoliŭ zrabić niekalki krokaŭ u avałodańni kampietencyjami pa vytvorčaści lehkavoha aŭtamabila.
«Spadziajusia, što jon spadabajecca našym pakupnikam, bo heta — krasovier», — vykazaŭ nadzieju Hienadź Śvidzierski.
Raspracoŭščyki elektramabila chočuć, kab aŭtamabil kaštavaŭ nie daražej za $30 000.