Pakazali partret Trampa, jaki jamu ŭ sakaviku padaryŭ Pucin
Telekanał CNN pakazaŭ partret prezidenta ZŠA Donalda Trampa, jaki ŭ sakaviku padaryŭ jamu Pucin. Aŭtar partreta — rasijski mastak Nikas Safronaŭ.
Na partrecie Tramp namalavany paśla zamachu na jaho ŭ lipieni 2024 hoda, padčas prezidenckaj kampanii — z akryvaŭlenym tvaram i padniatym uvierch kułakom.
Pa słovach Nikasa Safronava, jon, maŭlaŭ, nie staŭ brać hrošy za pracu, bo «adrazu zrazumieŭ, jakuju rolu hety partret moža adyhrać u zbližeńni ZŠA i Rasii».
U kancy sakavika śpiecpasłańnik Trampa pa Blizkim Uschodzie Styŭ Uitkaf paśla sustrečy z Uładzimiram Pucinym raskazaŭ, što pieradaŭ Donaldu Trampu jahony partret u padarunak ad rasijskaha prezidenta. Pa słovach Uitkafa, hety partret Pucin zakazaŭ u «viadučaha rasijskaha mastaka», ale jaho imia śpiecpasłańnik nie nazvaŭ. Ciapier ža Safronaŭ sam pryznaŭsia ŭ svaim aŭtarstvie ŭ intervju CNN.
Čytajcie taksama:
ZŠA prapanavali Kijevu pryznać Krym rasijskim i admovicca ad ustupleńnia ŭ NATA — WSJ
Pasłańnik Trampa Uitkaf znoŭ moža naviedać Rasiju na hetym tydni
«Pytańnie zakrytaje». Kit Kiełah zajaviŭ, što Ukraina nie stanie členam NATA
ZŠA na nastupnym tydni chočuć uzhadnić u Łondanie poŭnaje spynieńnie ahniu va Ukrainie