Łukašenka zabaraniŭ jurasobam pradavać bieśpiłotniki biez uzhadnieńnia ź dziaržaŭnymi orhanami
Novy ŭkaz taksama spraščaje ŭvoz u Biełaruś bieśpiłotnikaŭ dla siłavikoŭ.
Ilustracyjnaje fota: milicyja Homiela
Alaksandr Łukašenka padpisaŭ novy ŭkaz pa cyvilnych bieśpiłotnikach i avijamadelach. Dakumient spraščaje ŭvoz u Biełaruś dronaŭ dla siłavikoŭ i armii.
Akramia taho, indyvidualnyja pradprymalniki i jurydyčnyja asoby ciapier pavinny buduć pytacca dazvołu ŭ dziaržorhanaŭ, kali zachočuć pradać bieśpiłotnik.
Nahadajem, u 2023 hodzie Łukašenka zabaraniŭ fizičnym asobam uvozić u Biełaruś, kuplać i pradavać, zachoŭvać i vykarystoŭvać bieśpiłotniki. Ich abaviazali pradać drony jurydyčnym asobam i pradprymalnikam, albo pieradać ich na zachoŭvańnie dziaržavie.