Biełstat nazvaŭ uzrovień biespracoŭja ŭ krainie
Pavodle danych Biełstata, zasnavanych na vybaračnym abśledavańni damašnich haspadarak, u pieršym kvartale 2025 hoda ŭzrovień biespracoŭja ŭ Biełarusi skłaŭ 2,8% ad kolkaści rabočaj siły. Raźlik zrobleny zhodna ź mietadałohijaj Mižnarodnaj arhanizacyi pracy (MAP).
Dla paraŭnańnia: na pačatak hoda hety pakazčyk byŭ vyšejšym — 3%.
Siarod žančyn u pracazdolnym uzroście biespracoŭje skłała 2,5%, siarod mužčyn — 3,1%, u haradach uzrovień biespracoŭja skłaŭ 2,8%, u vioskach — 2,5%.
Zaniataść siarod nasielnictva va ŭzroście 15—74 hadoŭ u I kvartale dasiahnuła 67,8%, siarod ludziej pracazdolnaha ŭzrostu — 84,5%.