Novy trend u płastyčnaj chirurhii: žančyny ŭšyvajuć sabie ŭ hrudzi «bija-biusthaltary»
U ZŠA nabiraje papularnaść novaja mietodyka płastyčnaj chirurhii, jakuju ŭžo prazvali «ŭnutranym biusthaltaram». Ideja ŭ tym, kab ustalavać unutry cieła śpiecyjalnuju sietkavuju materyju, jakaja padtrymlivaje hrudzi bieź nieabchodnaści štodzionnaha našeńnia biusthaltara, piša NYP.
Fota: vecteezy.com
Paviedamlajecca, što ŭ ZŠA žančyny masava robiać apieracyju pa ŭstanoŭcy «ŭnutranaha biusthaltara» — bijaraskładalnaj sietki, jakaja padtrymlivaje hrudzi i praduchilaje ich abvisańnie navat z uzrostam.
Asnoŭnyja materyjały — sietka GalaFLEX (raniej byŭ uchvaleny dla lačeńnia hryž) i ADM — materyjał, atrymany z čałaviečych abo žyviolnych tkanak, što ličycca bolš naturalnym, ale daražejšym varyjantam.
Sietka stymuluje rost ułasnaj tkanki, umacoŭvajučy hrudzi na praciahu 18-24 miesiacaŭ.
Daktary žartujuć: paśla takoha aphrejdu hrudzi stanoviacca amal «niepieramožnymi dla hravitacyi».
Adnak chirurhi ŭdakładniajuć — pracedura raźličana nie na admovu ad zvyčajnych biusthaltaraŭ, a na doŭhaterminovuju padtrymku paśla padciažki abo pavieličeńnia hrudziej.