У Гродне на аўкцыён выставілі воданапорную вежу
На аўкцыён выставілі воданапорную вежу ў завулку Фолюш у Гродне. Збудаванне, якое знаходзіцца ў спальным раёне горада, пабудавалі ў канцы 1960-х гадоў, каб абслугоўваць былы вайсковы гарадок. Цяпер вежа не выкарыстоўваецца.
Пачатковая цана лота — 90 878 рублёў (каля 27 тысяч даляраў). Бонусам да пабудовы ідзе ўчастак зямлі памерам у 3 соткі.
Правесці мадэрнізацыю або рэканструкцыю вежы, а таксама ўвесці яе ў строй трэба за тры гады.
Аўкцыён запланаваны на 12 снежня.
Чытайце таксама:
На аўкцыён выставілі кляштар бернардзінцаў у Дуброўне
У Бабруйску прадаюць кавалак крэпасці