«Танны ўброс». «Народная Грамада» адмаўляе, што перадавала ў літоўскі Сейм ліст аб непрызнанні Ціханоўскай

Праз некалькі гадзін пасля з'яўлення ў інтэрнэце заявы партыі «Народная Грамада» аб непрызнанні Святланы Ціханоўскай прэс-служба арганізацыі выдала паведамленне пра тое, што гэтай заявы насамрэч не было.

Выканаўца абавязкаў старшыні «Народнай Грамады» Яўген Вільскі. Фота «Радыё Рацыя»

Прэс-служба «Народнай Грамады» афіцыйна заявіла, што ліст з нібыта подпісам кіраўніка арганізацыі Яўгена Вільскага — «танны ўброс».

«Сёння в.а.старшыні партыі «Народная Грамада» дзейсна быў на сустрэчы ў Сейме, але ніякіх лістоў, заяваў, рэшту перададзена ў Сейм не было!», — сцвярджае прэс-служба (стылістыка арыгінала захаваная). 

Каментары да артыкула