Буслы на снезе — рэаліі сёлетняга красавіка ФОТАФАКТ
У сеціве з'явіліся фота і відэа, знятыя каля вёскі Задомля Смалявіцкага раёна. На іх выяўленая чарада буслоў, якія рана вярнуліся з выраю на радзіму, не ведаючы, што зіма тут яшчэ не сказала свайго апошняга слова.
Фота Любові Кароткінай
Птушкі, якія зімуюць у Беларусі, прыстасаваныя да халадоў і снегу. І нават тыя птушкі, якія прылятаюць рана з зімоўкі — таксама, піша канал «Дзікая прырода побач».
Складаней за ўсё ластаўкам, якія ўжо таксама вярнуліся. Але яны могуць адляцець на поўдзень ці на захад, дзе для іх ёсць ежа.
У цяперашняй сітуацыі кіроўцам спецыялісты вельмі раяць знізіць хуткасць на дарогах — на ўзбочынах і дарогах цяпер корміцца шмат вераб’іных птушак (вераб'і, юркі, берасцянкі, стрынаткі, жаўрукі і г.д.), якія могуць быць збітыя.
Але ўвогуле цяпер можна зрабіць цікавыя назіранні, бо птушкі трымаюцца бліжэй да людзей.
Чытайце таксама:
Пячураўка-ценькаўка вярнулася! Яна прылятае першай за ўсіх сваякоў