За данаты асудзілі двух жыхароў Віцебскай вобласці
Пра вынясенне абвінаваўчых прысудаў двум раней невядомым праваабаронцам людзям піша «Віцебская вясна».
Анжаліка Кухарэнка
57-гадовую жыхарку Наваполацка Анжаліку Кухарэнку асудзілі за данаты да «хатняй хіміі». Яе імя 18 красавіка з'явілася ў абноўленым пераліку асобаў, «датычных да экстрэмісцкай дзейнасці». У гэтым спісе на сайце МУС пазначана, што жанчыну асудзілі ў Віцебскім абласным судзе паводле ч. 1 і 2 арт. 361-2 КК (Фінансаванне экстрэмісцкай дзейнасці). Пазначана таксама, што «судзімасць не пагашаная».
Апрача Анжалікі Кухарэнкі, з гэтага самага спісу праваабаронцам стала вядома таксама імя 49-гадовага жыхара Віцебска Сяргея Саўчанкі, які таксама асуджаны за данаты. На сайце МУС пазначана, што ён асуджаны Віцебскім абласным судом паводле ч. 1 арт. 361-2 КК (Фінансаванне экстрэмісцкай дзейнасці), а таксама паводле ч. 1 арт. 361-4 КК (Садзеянне экстрэмісцкай дзейнасці).
Мужчыну пакаралі пазбаўленнем волі (тэрмін удакладняецца). У «экстрэмісцкім» пераліку пазначана, што ён ужо «адбывае пакаранне».
Чытайце таксама:
22-гадовы віцябчук, якога асудзілі за графіці пра 3%, загінуў у аўтакатастрофе пад Пецярбургам
Палітвязень Андрэй Чапюк пасля допыту ўсё ж трапіў дадому
Паляка, якога асудзілі ў Беларусі за абразу Лукашэнкі, дэпартавалі дадому