Ватыкан апублікаваў першую фатаграфію Папы Францішка ў труне
У Ватыкане з’явіліся першыя фатаграфіі памерлага Папы Францішка — ён ляжыць у простай адкрытай дамавіне. Побач з целам — швейцарскія гвардзейцы і вышэйшае духавенства, піша Bild.
Фота: прэс-служба Ватыкана
Кардынал Кевін Фарэл паведаміў, што Папа памёр напярэдадні раніцай у 7:35.
«Усё яго жыццё было прысвечана служэнню Госпаду і Яго Царкве», — заявіў ён.
Францішку было 88 гадоў. У бліжэйшыя тры дні цела пантыфіка будзе выстаўлена для публічнага развітання ў саборы Святога Пятра.
Пахаванне, як чакаецца, адбудзецца не ў саборы, а ў базіліцы Санта-Марыя-Маджорэ — менавіта так завяшчаў сам Францішак два гады таму. Гэта адна з галоўных рымскіх цэркваў, дзе знаходзіцца старадаўняя ікона Багародзіцы. Перад ёй ён маліўся да і пасля ўсіх замежных паездак.
У Рым на развітанне з пантыфікам прыбудуць лідары з усяго свету, у тым ліку Дональд Трамп.
Акрамя таго, чакаюцца і спецыяльныя рэйсы з Аргенціны — радзімы Папы Францішка.
Чытайце таксама:
Хто будзе наступным Папам? Вось хто можа змяніць Францішка
Папа Францішак: лацінаамерыканец, які мяняў касцёл
Назвалі афіцыйную прычыну смерці Папы Францішка
«З адзіным надпісам: Franciscus». Ватыкан апублікаваў завяшчанне памерлага Папы