Archieołahi znajšli bahatuju hrabnicu staražytnajehipieckaha vojenačalnika

Jehipieckija archieołahi raskapali hrabnicu ŭzrostam 3200 hadoŭ, jakaja, jak miarkujecca, naležała vysokapastaŭlenamu vojenačalniku časoŭ faraona Ramziesa III (XII stahodździe da n. e.). Jaho vaładarańnie časta nazyvajuć apošnim «vialikim» pieryjadam XX dynastyi i ŭsiaho Novaha carstva. U pryvatnaści, Ramzies III viadomy šmatlikimi paśpiachovymi vajennymi kampanijami, piša Euronews.

Fota: Ministerstva turyzmu i staražytnaściaŭ Jehipta

Hrabnica, pabudavanaja z hlinabitnych cahlin, składajecca z hałoŭnaj kamiery i troch prylehłych pakojaŭ, ścieny jakich pakrytyja biełym rastvoram. Unutry archieołahi vyjavili mnostva artefaktaŭ, jakija śviedčać pra vysoki status pachavanaha.

Ahulny vyhlad hrabnicy. Fota: Ministerstva turyzmu i staražytnaściaŭ Jehipta

Siarod značnych znachodak — załatoje kalco ź imieniem faraona Ramziesa III, a taksama bronzavyja nakaniečniki streł i nievialikaja škatułka sa słanovaj kości. Taksama znajšli alebastravyja pasudziny, napaŭkaštoŭnyja kamiani i amulety z vyjavami Taurt (bahini — apiakunki ciažarnych i paradzich) i Biesa (karlika — zachavalnika chatniaha ačaha).

Bronzavyja nakaniečniki streł z hrabnicy vajenačalnika. Fota: Ministerstva turyzmu i staražytnaściaŭ Jehipta

Alebastravaja pasudzina, jak miarkujecca, dla duchmianych rečyvaŭ. Fota: Ministerstva turyzmu i staražytnaściaŭ Jehipta

Zaintryhavała archieołahaŭ kalekcyja hlinianych pasudzin z nadpisami, siarod jakich — imia faraona Charemchieba, jaki kiravaŭ bolš čym za stahodździe da Ramsiesa III.

Charemchieb da taho, jak uzyści na tron, sam byŭ vojenačalnikam. Jaho imia naviało navukoŭcaŭ na dumku, što hrabnicu mahli vykarystoŭvać paŭtorna.

Kamientary da artykuła