65-hadovaja biełaruska padniałasia na novuju hornuju viaršyniu z suśvietnaj dziasiatki
65-hadovaja biełaruska Lilija Janoŭskaja siońnia skaryła čarhovuju viaršyniu. U 9:10 ranicy pa miascovym časie Lilija Janoŭskaja dasiahnuła viaršyni hary Anapurna ŭ Himałajach, staŭšy najstarejšaj žančynaj u śviecie, jakaja heta zrabiła, paviedamili ŭ sacyjalnych sietkach.
Lilija Janoŭskaja paśla ŭzychodžańnia na pik Makału ŭ mai 2024 hoda. Fota ź jaje staronki ŭ fejsbuku
Paviedamlajecca, što ciapier žančyna adpačyvaje ŭ pramiežkavym łahiery pierad tym, jak pačać spusk u bazavy. Pamiž łahierami syšła łavina, što moža ŭskładnić šlach uniz — ale pakul Lilija ŭ biaśpiecy i nabirajecca sił dla spusku.
Anapurna — heta ŭžo dziaviataja viaršynia z čatyrnaccaci vaśmitysiačnikaŭ, jakija skaryła Lilija Janoŭskaja. Siarod tych, dzie jana ŭžo była, jość i najvyšejšaja viaršynia śvietu — Evierest. Na ŭsich skoranych viaršyniach žančyna ŭzdymaje nacyjanalny bieł-čyrvona-bieły ściah.
Čytajcie taksama:
64-hadovaja biełaruska ŭźniała nacyjanalny ściah jašče na adnoj hary-vaśmitysiačniku
64-hadovaja biełaruska padniała BČB-ściah nad adnoj z najvyšejšych hor śvietu
62-hadovaja biełaruska padniała na Evierest bieł-čyrvona-bieły ściah