64-hadovaja biełaruska padniała BČB-ściah nad adnoj z najvyšejšych hor śvietu
U 64 hady biełaruska ŭzyšła na vyšyniu 8167 mietraŭ, staŭšy najstarejšaj žančynaj u śviecie, jakaja ździejśniła takoje ŭzychodžańnie.
Lilija Janoŭskaja 30 vieraśnia skaryła svaju siomuju haru, vyšejšuju za 8000 mietraŭ. Na himałajskaj vieršyni Dchaŭłahiry jany tradycyjna ŭźniała bieł-čyrvona-bieły ściah.
«Ciažka pavieryć, što my skaryli hetuju dziŭnuju haru. Dchaŭłahiry — siomaja pa vyšyni hara ŭ śviecie. Pakul heta była adna z maich najlepšych ekśpiedycyj», — napisała alpinistka ŭ fejsbuku.
Letaś žančyna razam z dačkoj uźniała nacyjanalny ściah na najvyšejšaj kropcy śvietu — piku Evierest.
Lilija Janoŭskaja ź Minska. Razam ź siamjoj naprykancy 1990-ch pierajechała ŭ Kanadu. Ciapier žyvie ŭ Taronta. Z adukacyi jana matematyk i ekanamist. Bolš za 20 hadoŭ pracavała «ŭ pryvatnym biznesie pa parkietnaj vytvorčaści». Try hady tamu žančyna vyrašyła źmianić svajo žyćcio i pryśviacić asnoŭny čas tamu, što horača lubić, — alpinizmu i skałałažańniu.
Usiaho ŭ śviecie 14 hor, vyšejšych za 8000 mietraŭ.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1111
Kamientary