Słovy prezidenta Złučanych Štataŭ Amieryki Donalda Trampa pra toje, što tema Kryma nie źjaŭlajecca pradmietam abmierkavańnia, całkam adpaviadajuć rasijskaj pazicyi, zajaviŭ pres-sakratar prezidenta RF Dźmitryj Piaskoŭ.
Donald Tramp raniej zajaŭlaŭ, što vykazvańni Uładzimira Zialenskaha pra toje, što Kijeŭ nie pryznaje Krym rasijskim, škodziać pieramovam.
«Heta całkam karelujecca našym razumieńniem i z tym, što my havorym užo daŭno», ― zajaviŭ Piaskoŭ na bryfinhu ŭ čaćvier, adkazvajučy na adpaviednaje pytańnie ŚMI.
Taksama jon skazaŭ, što płany praviadzieńnia sustrečy pa Ukrainie ŭ stalicy Vialikabrytanii źmianilisia z-za prablem sa zbližeńniem pazicyj jaje ŭdzielnikaŭ.
Pavodle jaho słoŭ, u Łondanie prajšli ekśpiertnyja kansultacyi — pieramovaŭ tam nie było.
«My bačym, što tam jość prablemy sa zbližeńniem pazicyj prychilnikaŭ, što i pryviało da taho, što źmianilisia płany pa praviadzieńni ŭ Łondanie sustrečy na bolš vysokim uzroŭni», — skazaŭ Piaskoŭ.
Ciapier čytajuć
Čamu Cichanoŭskaja nie pajechała na pachavańnie Papy?7
Kamientary