U fondu, kudy prychodzili hrošy dla Kaardynacyjnaj rady, źjaviŭsia novy kiraŭnik zamiest źnikłaj Mielnikavaj

Vital Paciechin — były vajskoviec, prysudžany ŭ Biełarusi da zavočnych 24 hadoŭ źniavoleńnia za ataku na bazu AMAPu va Uruččy. U Polščy jon zajmajecca aptovym handlem.

Anžalika Mielnikava

Novym staršynioj praŭleńnia fondu BIAŁORUŚ LIBERTY staŭ biełarus Vital Paciechin. Zamiena kiraŭnika adbyłasia 9 krasavika 2025 hoda.

Raniej fondam, na rachunak jakoha prychodzili hrošy na dziejnaść Kaardynacyjnaj rady i «Kibierpartyzanaŭ», kiravała Anžalika Mielnikava, jakaja, nahadajem, źnikła ŭ sakaviku 2025 hoda. Dzie jana ciapier, dahetul niezrazumieła.

Kapitan Vital Paciechin — toj čałaviek, kaho biełaruskija siłaviki abvinavacili ŭ atacy na bazu AMAPa ŭ 2021 hodzie.

Pavodle materyjałaŭ śledstva, były vajskoviec Paciechin pry dapamozie kantrabandystaŭ pieramiaściŭ z Ukrainy dron ź vialikaj hruzapadymalnaściu i na praciahu niekalkich miesiacaŭ vučyŭsia im kiravać. U noč na 25 vieraśnia 2021 hoda jon z dapamohaj bieśpiłotnika skinuŭ dźvie piacilitrovyja butelki z zapalnaj sumieśsiu na bazu AMAP. Paśla hetaha vyjechaŭ ź Biełarusi pa padrychtavanych šlachach adychodu.

Jakich-niebudź značnych paškodžańniaŭ vybuchi bazie nie nanieśli, adnak Paciechinu zavočna prysudzili 24 hady źniavoleńnia za terakt.

Miarkujučy pa infarmacyi z bazy polskich jurydyčnych asobaŭ, Paciechin uznačalvaje fond SNB. Heta kampanija zajmajecca aptovym handlem.

Kamientary da artykuła