Tramp: ZŠA admoviacca ad udziełu ŭ pieramovach, kali Rasija ci Ukraina sarvuć ździełku
Prezident ZŠA Donald Tramp zajaviŭ, što hatovy admovicca ad udziełu ŭ mirnych pieramovach pa Ukrainie, kali ŭ najbližejšy čas u ich nie budzie prykmietnaha prahresu, piša Bloomberg.
Donald Tramp. Fota: AP Photo/Alex Brandon
«Kali pa niejkaj pryčynie adzin z bakoŭ budzie surjozna pieraškadžać pracesu, my prosta skažam: vy durni. Vy žachlivyja ludzi, i my prosta adydziem u bok. Ale spadziajusia, da hetaha nie dojdzie», — skazaŭ Tramp.
Žurnalisty spytalisia ŭ prezidenta ZŠA, ci nie padajecca jamu, što Rasija sprabuje jaho pierajhrać:
«Nichto nie hulaje sa mnoj. Ja sprabuju dapamahčy. Heta była vajna Bajdena», — adkazaŭ Tramp, dadaŭšy, što bačyć «ščyraje imknieńnie da zakančeńnia vajny» z abodvuch bakoŭ.
Pry hetym jon nie skazaŭ, ci spyniać ZŠA akazvać vajskovuju padtrymku Ukrainie:
«Ja nie chaču hetaha kazać, pakolki vieru, što nam udasca damahčysia [zaklučeńnia pieramirja]», — skazaŭ jon.
Čytajcie taksama:
U Kramli zajavili, što maratoryj na ŭdary pa enierhietycy skončyŭsia
Dziaržsakratar ZŠA: Kali zaviaršyć vajnu va Ukrainie niemahčyma, nam treba ruchacca dalej
Śpiecpradstaŭnik Trampa: Ukrainie mohuć być nie patrebnyja ruskamoŭnyja rehijony