ZŠA na nastupnym tydni chočuć uzhadnić u Łondanie poŭnaje spynieńnie ahniu va Ukrainie
ZŠA na nastupnym tydni chočuć uzhadnić u Łondanie poŭnaje spynieńnie ahniu va Ukrainie, paśla jaho pakažuć Rasii, piša New York Post sa spasyłkaj na vysokapastaŭlenaha pradstaŭnika Biełaha doma.
Fota: Wolfgang Schwan / Anadolu via Getty Images
Ukraina praktyčna poŭnaściu hatovaja pahadzicca na mirny płan Donalda Trampa, i rašeńnie pra poŭnaje i ŭsioabdymnaje spynieńnie ahniu mohuć uzhadnić užo na nastupnym tydni na sustrečy ŭ Łondanie.
Ministr abarony Ukrainy Rustem Umieraŭ paviedamiŭ amierykanskim čynoŭnikam, što Kijeŭ «na 90%» zhodny ź mirnaj prahramaj prezidenta Trampa. Ciapier pytańnie ŭ tym, ci pahodzicca na hety płan Maskva.
«Na nastupnym tydni ŭ Łondanie my chočam pryniać rašeńnie pra poŭnaje i ŭsioabdymnaje spynieńnie ahniu. Potym my majem namier pravieści pieramovy z rasijanami i skazać: «Dobra, voś najlepšaja i kančatkovaja prapanova», kab vyśvietlić, na čym spynilisia abodva baki. I jak tolki my heta atrymajem, tady buduć vyznačanyja nastupnyja kroki», — adznačyŭ čynoŭnik.
Čytajcie taksama:
Administracyja Trampa hatova pryznać Krym rasijskim u ramkach mirnaj damovy
Tramp: ZŠA admoviacca ad udziełu ŭ pieramovach, kali Rasija ci Ukraina sarvuć ździełku