Nie paśpiavajuć zdać Nacyjanalny stadyjon: finał futbolnaha Kubka Biełarusi pieranieśli ŭ Hrodna
Pieršapačatkova płanavałasia, što matč za Kubak Biełarusi moža adbycca na novym Nacyjanalnym stadyjonie ŭ Minsku. Ale terminy jaho zdačy znoŭ pieranieśli.
Nacyjanalny stadyjon u Minsku. Fota: Blizko.by
Finał Kubka Biełarusi pa futbole projdzie ŭ Hrodnie. Matč na stadyjonie CSK «Nieman» pryznačany na 24 maja.
Pieršapačatkova płanavałasia, što sustreča projdzie na Nacyjanalnym stadyjonie ŭ Minsku, jaki budzie pmiaščać 33 tysiačy hledačoŭ. Adnak arenu, jakuju ŭzvodziać za kitajskija inviestycyi, usio nijak nie dabudujuć.
Stadyjon płanavali adkryć da kanca 2024 hoda, ale ŭ sakaviku termin zdačy areny znoŭ pieranieśli — na hety raz z adkrytaj dataj. Pry hetym usie abjekty vakoł stadyjona pavinny dabudavać da 1 kastryčnika 2025 hoda.
Baraćbu za Kubak Biełarusi praciahvajuć čatyry kamandy. Hrodzienski «Nieman» u pieršym paŭfinalnym matčy razhramiŭ «Viciebsk» (3:0), a «Tarpieda»-BiełAZ i «MŁ Viciebsk» razyšlisia biez zabitych miačoŭ. Sustrečy ŭ adkaz adbuducca 7 i 8 maja.