U Bresckaj vobłaści čakajecca našeście mošak
Ich masavy vylet čakajecca ŭ kancy krasavika.
Z prychodam ciepłyni ŭ Bresckaj vobłaści pačynajecca siezon aktyŭnaści kryvasmaktalnych mošak, jakija mohuć vyklikać mocnyja alerhičnyja reakcyi i pieranosić infiekcyi, papiaredžvajuć epidemijołahi.
Entamołahi ŭžo vyjavili ličynki mošak u race Buh kala Bresckaj krepaści. Masavy vylet nasiakomych čakajecca ŭ kancy krasavika — pačatku maja, a pik aktyŭnaści praciahniecca kala dvuch tydniaŭ. Asablivuju niebiaśpieku ŭjaŭlaje ślina mošak, jakaja źmiaščaje hiemalityčnuju atrutu, što moža vyklikać mocnuju alerhiju.
Dla abarony śpiecyjalisty rekamiendujuć paźbiahać miescaŭ kala chutkich rek, dzie razmnažajucca moški. Efiektyŭnymi srodkami abarony źjaŭlajucca repielenty i ščylnaje adzieńnie. Z narodnych mietadaŭ možna vykarystoŭvać adekałon z dabaŭleńniem efirnych masłaŭ abo rastvor vanilinu.
Pry ŭkusach nieabchodna adrazu apracavać paškodžanaje miesca antysieptykam, prykłaści lod dla źmianšeńnia acioku. A ŭ vypadku mocnaj alerhičnaj reakcyi varta nieadkładna źviarnucca pa miedycynskuju dapamohu.