Biełaruski eks-sienatar aryhinalna źniaŭsia ŭ rekłamie hatela ŭ Hrodnie
Były sienatar, a siońnia kiraŭnik abłasnych prafsajuzaŭ Viktar Liskovič źniaŭsia ŭ rekłamie hrodzienskaj haścinicy «Turyst». Aryhinalny rolik źjaviŭsia ŭ jaho instahramie.
Liskovič, jaki zajmaje pasadu staršyni Hrodzienskaha abjadnańnia prafsajuzaŭ, takim čynam prezientuje prafsajuznuju haścinicu «Turyst».
U videa havorycca pra kamfartabielnyja numary, smačnuju kuchniu, vietlivy piersanał i inšyja pieravahi haścinicy.
Liskovič, pstrykajučy palcami z kalehami mianiaje łakacyi ŭnutry hatela, desantujučysia ŭ kadrach.
Darečy, Viktar Liskovič vielmi aktyŭna viadzie svoj instahram, raskazvajučy pra svajo žyćcio. To jon łović vudaj u taziku płastykavych rybak, to zajmajecca na trenažorach, to zabivaje ćviki ŭ kałodu dy šmat čaho inšaha.