Špakoŭski: Amnistyja-2025 da palitviaźniaŭ prymianiacca nie budzie
Pa słovach byłoha achoŭnika Alaksandra Milinkieviča, jakoha ciapier pryznačyli deputatam Pałaty pradstaŭnikoŭ, amnistyja palitviaźniaŭ nie ŭjaŭlajecca mahčymaj i źjaŭlajecca niemetazhodnaj.
Jon tłumačyć, što «hieapalityčny štorm praciahvajecca», a padziei, jakija pryviali da masavych aryštaŭ, adbylisia zusim niadaŭna.
«Što tyčycca ekstremisckich złačynstvaŭ, pa-pieršaje, heta było zusim niadaŭna, pa-druhoje, heta złačynstva suprać paradku dziaržaŭnaha kiravańnia, pa-treciaje, situacyja, u jakoj znachodzicca Respublika Biełaruś — a ja nahadaju, što hety hieapalityčny štorm, elemientam jakoha była sproba hibrydnaha pieravarotu ŭ našaj krainie, praciahvajecca.
Inšymi słovami, cisk, ahresija, zakliki da ździajśnieńnia złačynstvaŭ suprać kanstytucyjnaha ładu i sami hetyja złačynstvy, chacia, biezumoŭna, ich intensiŭnaść, ich statystyka prykmietna źnizilisia za apošnija piać hadoŭ z hodu ŭ hod, usio roŭna my ich fiksujem», — napisaŭ Špakoŭski.
«Tamu na siońniašni dzień prymianieńnie takoha rodu rašeńniaŭ, jak amnistyja, da hetaj katehoryi asudžanych nie ŭjaŭlajecca mahčymym i vyhladaje niemetazhodnym», — reziumuje jon.
Čytajcie taksama:
Budzie amnistyja da 80-hodździa Pieramohi
Milicyja prapanuje, kab amnistyja zakranuła amal usich asudžanych za narkotyki