Azaronak tak staraŭsia chutčej raschvalić Łukašenku, što śpiecham zapościŭ kramołu

Prapahandyst Ryhor Azaronak, žadajučy pakazać na ŭvieś śviet vialikuju papularnaść asoby Łukašenki siarod aŭdytoryi svajho rasijskaha kalehi Uładzimira Sałaŭjova, zaskryniŭ nie hledziačy niekalki vykazvańniaŭ kamientataraŭ u kanale «Sołov́jov LIVE» i zapościŭ u svoj kanał. A paśla ŭčytaŭsia ŭ źmiest i sam žachnuŭsia.

Adzin z čatyroch zaskrynienych Azaronkaŭ kamientaroŭ hučaŭ tak:

«Ja ŭraziŭsia, što Łukašenka choča 150000 pakistancaŭ zavieźci. Havoryć pra dziadoŭ, jakija zahinuli, zmahajučysia za biełaruskuju ziamlu, u toj ža čas svabodna zdaje hetuju ziamlu dobraachvotna, biez supraciŭleńnia inšym zachopnikam».

Vidać, Azaronak pračytaŭ tolki pieršyja słovy pra toje, što kamientatar dziejańniami Łukašenki ŭražany, i dalej čytać nie staŭ, dumajučy, što tam budzie kamplimientarnaść. Paśla ž, učytaŭšysia, post nieadkładna vydaliŭ. Ale internet usio pamiataje.

Kamientary da artykuła