Азаронак так стараўся хутчэй расхваліць Лукашэнку, што спехам запосціў крамолу

Прапагандыст Рыгор Азаронак, жадаючы паказаць на ўвесь свет вялікую папулярнасць асобы Лукашэнкі сярод аўдыторыі свайго расійскага калегі Уладзіміра Салаўёва, заскрыніў не гледзячы некалькі выказванняў каментатараў у канале «Соловьёв LIVE» і запосціў у свой канал. А пасля ўчытаўся ў змест і сам жахнуўся.

Адзін з чатырох заскрыненых Азаронкаў каментароў гучаў так:

«Я ўразіўся, што Лукашэнка хоча 150000 пакістанцаў завезці. Гаворыць пра дзядоў, якія загінулі, змагаючыся за беларускую зямлю, у той жа час свабодна здае гэтую зямлю добраахвотна, без супраціўлення іншым захопнікам».

Відаць, Азаронак прачытаў толькі першыя словы пра тое, што каментатар дзеяннямі Лукашэнкі ўражаны, і далей чытаць не стаў, думаючы, што там будзе кампліментарнасць. Пасля ж, учытаўшыся, пост неадкладна выдаліў. Але інтэрнэт усё памятае.

Каментары да артыкула